“ជាច្រើនឆ្នាំមកហើយ ខ្ញុំបានធ្វើការជាមួយសិស្សបញ្ចប់ការសិក្សារបស់ SIM ជាច្រើន។ ចំណាប់អារម្មណ៍របស់ខ្ញុំចំពោះពួកគេគឺ ពួកគេមានការស្រលាញ់ការសិក្សា និង ប្រកបដោយឆន្ទៈ។ ពួកគេដឹងពីគោលបំណងរបស់ខ្លួន​មិនថាគោលបំណងរយៈពេលខ្លី ឬ គោលបំណងរយៈពេលវែងនោះទេ។ គុណសម្បត្តិសំខាន់មួយដែលខ្ញុំគិតដល់នៅពេលគិតអំពីសិស្សរបស់ SIM គឺក្រមសីលធម៌ការងារឥតខ្ចោះរបស់ពួកគេ និងប្រសិទ្ធភាពក្នុងការបំពេញការងាររបស់ពួកគេ” (2019)

“យើងស្វែងរកអ្នកដែលមានសមត្ថភាពច្បាស់លាស់ដែលបង្ហាញនូវគុណតម្លៃទាំង 5 នៃគោលការណ៍ប្រកបដោយវិជ្ជាជីវៈរបស់ PwC ដែលយើងប្រើប្រាស់នៅគ្រប់បណ្តាញ PwC សាកលលោក។ និស្សិតទើបបញ្ចប់ការសិក្សាត្រូវតែមានភាពរហ័សរហួន និង អាចគិតបានស៊ីជម្រៅ។ ជាមួយនឹងកំណើនកាន់តែច្រើនឡើងៗនៃបច្ចេកវិទ្យាដែលប្រើប្រាស់ជំនួសមនុស្សលើការងារដដែលៗ ដូចនេះមានតែភាពរហ័សរហួន និង ការគិតបានស៊ីជម្រៅនោះទេដែលជាជំនាញរបស់មនុស្សដែលគ្រឿងយន្តមិនអាចជំនួសបាន។ ជំនាញទាំងនេះនឹងអនុញ្ញាតឱ្យមនុស្សសម្រេចបានគោលបំណងរបស់ PwC ដោយសាងទំនុកចិត្តក្នុងសង្គម និង ដោះស្រាយបញ្ហាសំខាន់ៗ។” (2019)

“BDO ផ្តល់តម្លៃលើមនុស្សដែលមាន ភាពឧស្សាហ៍ព្យាយាម ការចេះបន្ទាបខ្លួន និង ការប្តេជ្ញាចិត្ត ដែលទាំងនេះអាចឃើញជាក់ស្តែងចំពោះនិស្សិតបញ្ចប់ការសិក្សារនៃ SIM-UOL ដែលកំពុងធ្វើការជាមួយយើង។ ពួកគេបង្ហាញអត្តចរិតស្រេកឃ្លានចំណេះដឹង ដោយចេះទំនួលខុសត្រូវ និង ប្រកាន់ឥរិយាបថវិជ្ជមាន។ ពួកគេយកទៅអនុវត្តនូវចំណេះដឹងដែលទទួលបានអំឡុងពេលនៃការបណ្តុះបណ្តាលខាងក្នុង/ខាងក្រៅបានយ៉ាងល្អ ហើយបង្ហាញយ៉ាងច្បាស់ថាពួកគេសមជាអ្នកដឹកនាំល្អៗ។ ក្នុងនាមជាគ្រូបណ្តុះបណ្តាល ខ្ញុំពេញចិត្តនឹងចែករំលែកបទពិសោធន៍របស់ខ្ញុំជាមួយក្រុមអ្នកដែលពោរពេញដោយទេពកោសល្យ ហើយក៏រំពឹងរង់ចាំការចូលមកធ្វើការបន្ថែមជាមួយ BDO ផងដែរ។” (2019)

“FDM Group គឺជាអ្នកនាំមុខផ្នែកទីផ្សារមួយក្នុងការស្វែងរកបុគ្គលិក បណ្តុះបណ្តាល និង ចាត់តាំងទៅតាមឧស្សាហកម្ម។ ត្រូវបានបង្កើតឡើងនៅឆ្នាំ 1991 FDM មានប្រវត្តិដែលមានបទពិសោធន៍យូរអង្វែងក្នុងការបណ្តុះបណ្តាលនិស្សិតបញ្ចប់ការសិក្សាឱ្យក្លាយជាទីប្រឹក្សាផ្នែកព័ត៌មានវិទ្យា។ ការផ្សារភ្ជាប់ចន្លោះរវាងសាកលវិទ្យាល័យ និង ពិភពលោកនៃអាជីវកម្មការងារ យើងផ្តល់ជូននូវការបណ្តុះបណ្តាលស្នូលរយៈពេល 2 ទៅ 3 ខែមុនចាត់តាំងទីប្រឹក្សាទៅតាមទីតាំងរបស់អតិថិជនរបស់យើងរយៈពេលរហូតដល់ 2 ឆ្នាំ។

នៅ​ FDM Group យើងស្វែងរកនិស្សិតបញ្ចប់ការសិក្សាដែលមានការស្រលាញ់បច្ចេកវិទ្យាជាមួយនឹងឆន្ទៈចង់រៀន និង អភិវឌ្ឍខ្លួន។ ជាច្រើនឆ្នាំមកហើយ យើងយល់ថាការសហការជាមួយ​ SIM គឺពិតជាមានតម្លៃខ្លាំងណាស់ព្រោះថានិស្សិតបញ្ចប់ការសិក្សាដែលចេញពី SIM គឺសុទ្ធតែសាកសមឥតខ្ចោះសម្រាប់កម្មវិធីនិស្សិតបញ្ចប់ការសិក្សាផ្នែកបច្ចេកវិទ្យារបស់យើង។​ និស្សិតបញ្ចប់ការសិក្សាថ្មីម្នាក់នៃ SIM-UOM, Yanni Tan បានចូលរួមក្នុងកម្មវិធីនិស្សិតបញ្ចប់ការសិក្សានៃ អ្នកវិភាគអាជីវកម្មបច្ចេកទេសរបស់ FDM (FDM’s Technical Business Analyst) ដែលជាកន្លែងដែលគាត់អាចអនុវត្តនូវវិធីសាស្រ្តជាប្រព័ន្ធ និង ឡូជីកខលក្នុងការសិក្សារបស់គាត់។ ក្រោយពីបញ្ចប់ការបណ្តុះបណ្តាលដោយជោគជ័យមក ឥឡូវគាត់កំពុងផ្តល់ប្រឹក្សាដល់អតិថិជនផ្នែកសេវាកម្មហិរញ្ញវត្ថុអន្តរជាតិមួយដែលមានមូលដ្ឋាននៅប្រទេសសិង្ហបុរី។ និស្សិតបញ្ចប់ការសិក្សានៅ SIM មកធ្វើការដោយនាំមកនូវជំនាញបច្ចេកទេសសម្បូរបែបរឹងមាំ មកពីកម្មវិធីសិក្សាកម្រិតបរិញ្ញាបត្រដែលសិក្សាស៊ីជម្រៅ ជាមួយនឹងផ្នត់គំនិតវិជ្ជមាន និង បើកចំហក្នុងការរៀនសូត្រ។ យើងរំពឹងថានឹងបន្តភាពជាដៃគូរបស់យើងជាមួយ​ SIM តទៅទៀត និងជួយដល់និស្សិតបញ្ចប់ការសិក្សាឱ្យបានចាប់ផ្តើមនូវអាជីពការងាររបស់ខ្លួនខាងផ្នែកបច្ចេកវិទ្យា!”

“ខ្ញុំមានសេចក្តីរីករាយដែលបានសហការជាមួយ SIM សម្រាប់ការផ្តល់ការងារដល់និស្សិតហាត់ការងារ និង សម្រាប់មុខតំណែងអចិន្រ្តៃយ៍។ ភាគច្រើននៃនិស្សិតបានបញ្ចប់ការសិក្សានៅ SIM បានចូលរួមជាមួយយើងនៅផ្នែកផ្សេងៗគ្នារួមមាន ផ្នែកទីផ្សារ ផ្នែកប្រតិបត្តិការតាមតំបន់ និង ពាណិជ្ជកម្មអេឡិចត្រូនិចឆ្លងប្រទេស។ ពួកគេបានធ្វើការនៅក្នុងផ្នែកនៃគម្រោងពាណិជ្ជកម្មអេឡិចត្រូនិចផ្សេងៗគ្នា ហើយបង្ហាញឱ្យឃើញថាពួកគេពោរពេញដោយឆន្ទៈក្នុងការរៀនសូត្រ។ Shopee កំពុងស្វែងរកបុគ្គលិកជាប្រចាំ ហើយយើងសង្ឃឹមថានឹងមាននិស្សិតរបស់ SIM ជាច្រើនទៀតមកធ្វើការនៅស្ថាប័នរបស់យើង។ យើងគាំទ្របរិស្ថានធ្វើការដែលមានការសហការ ហើយក៏សូមស្វាគមន៍ដល់អ្នកដែលចង់រៀនសូត្រ ដែលមានឥរិយាបថវិជ្ជមាន និង ចេះសម្របខ្លួន។”

“និស្សិតបញ្ចប់ការសិក្សានៅ SIM ពាំនាំមកនូវចំណេះដឹងយ៉ាងច្រើនមកពីការសិក្សារបស់ខ្លួន ដោយយកមកអនុវត្តនៅកន្លែងការងារ ហើយឥរិយាបថធ្វើការដ៏ប្រសើររបស់ពួកគេគឺជាចរិតលក្ខណៈពិសេសនៃនិស្សិតបញ្ចប់ការសិក្សានៅ SIM ។ ពួកគេមានចំណេះដឹង ហើយគ្មានបញ្ហាក្នុងកិច្ចការប្រឈមទាំងឡាយណាដែលត្រូវបានចាត់តាំងឱ្យពួកគេធ្វើនោះឡើយ។ ពួកគេបង្ហាញនូវសមត្ថភាពចេះអត់ធន់ និង បំពេញការងារចាត់តាំងដោយស្មារតីចង់ទទួលបានលទ្ធផលល្អប្រសើរ។ ពួកគេមានប្រាជ្ញានិង គិតគូរដល់អាជីវកម្ម។” (2019)