សាកលវិទ្យាល័យវ៉ូឡុងកុង

សាកលវិទ្យាល័យវ៉ូឡុងកុង មានអាយុកាល 40 ឆ្នាំចាប់តាំងពីការឯករាជ្យរបស់ខ្លួន បានរីកចម្រើនពីសាលាតូចបម្រើវិស័យក្នុងស្រុកទៅជាសាកលវិទ្យាល័យលំដាប់អន្តរជាតិ មានឈ្មោះល្បីដោយសារគុណភាពនៃការសា្រវជ្រាវនិងការបង្រៀនរបស់ខ្លួន។ វាបានក្លាយជាចំណុចគោលមួយសម្រាប់ជំនាន់ថ្មីរបស់សាកលវិទ្យាល័យនានា។ និស្សិតជាង 35,000 នាក់កំពុងសិក្សាសញ្ញាបត្រ UOW ទូទាំងទីតាំងទាំងប្រាំបួនក្នុងប្រទេសអូស្ត្រាលី និងម៉ាឡេស៊ី និងឌូបៃ ជាមួយនឹងដៃគូអប់រំនៅក្នុងប្រទេសសឹង្ហបុរី និងហុងកុង។ UOW ទាក់ទាញនិស្សិតមកពីជាង 140 ប្រទេស។ UOW ផ្តោតសំខាន់ទៅលើការស្រាវជ្រាវអន្តវិន័យ ដែលមានការជះឥទ្ធិពលពិតទៅលើជីវិតរស់នៅរបស់យើង និងជួយដោះស្រាយបញ្ហាសកល។ ដើម្បីសម្រេចទៅបាន វិទ្យាស្ថានស្រាវជ្រាវសំខាន់ៗរបស់ UOW បានបង្កើតដៃគូស្អិតរមួតនិងសហការជាមួយនឹងរដ្ឋាភិបាល និងអង្គការក្រៅរដ្ឋាភិបាល ក្រុមហ៊ុន សាកលវិទ្យាល័យ និងវិទ្យាស្ថានស្រាវជ្រាវនៅប្រទេសអូស្ត្រាលី និងជុំវិញពិភពលោក។